ПАР АККОШЛАР КҮРӘМ ТӨШЛӘРЕМДӘ,
ТӨНБОЕКЛАР БЕЛӘН СЕРЛӘШӘМ.
АЙЛЫ ТӨННЕҢ ТЫНЫЧЛЫГЫН ӨЗЕП,
ЙОЛДЫЗЛАРГА КАРАП ЭНДӘШӘМ

АЧЫ САГЫШ МИНЕ АЯМАДЫ-
ЯЗМЫШ МИНЕ САНГА СУКМАДЫ.
ЯҢА БӨРЕЛӘНГӘН ГОМЕРЕМНЕ,
ЯКАСЫННАН АЛЫП ТУКМАДЫ!

БИРЕШМӘДЕМ АЧЫ ЯЗМЫШЛАРГА,
ТЫРЫШТЫМ ТИК АЛГА БАРЫРГА!
ЮАНЫЧЫМ БУЛДЫ-САГЫШЫМНЫ
ЧИСТА БИТКӘ ЯЗЫП КАЛЫРГА!

ҮКЕНМӘДЕМ ЭШЛӘНМӘГӘН ЭШКӘ,
ЯЗМЫШЫМА КАРАП ЯНМАДЫМ!
ҮЗ ИҢЕМӘ ҮЗЕМ КАНАТ КУЕП,
ЕРАК ЙОЛДЫЗЛАРНЫ АЙКАДЫМ!

МИН БӘХЕТЛЕ!!!МИН БИТ МОҢЛЫ ДИМӘК,
МИН БИТ КИРӘК ТУГАН ХАЛКЫМА!
МОҢНАРЫМНЫ ЧӘЧӘМ БАР ҖИҺАНГА,
МӘХӘББӘТ ҺӘМ ТОРМЫШ ХАКЫНДА!

ИРЕК ГАБДРАХМАНОВ