“Мин яратам сине!”-дисең,
Гап-гади итеп.
Белсәң иде,ул сүзләрне
Мин ничек көттем…
Ул сүзләрнең һәр хәрефен
Чәчкәдән үрдем.
Күңелемнең яктысына
Аларны төрдем.
Йөрәгемнең бар җылысын
Куштым сүзләргә.
Урадым мин ул сүзләрне
Татлы хисләргә.
Иң матур көйгә салдым,
Назыма бәйләдем…
Менә шундый тылсым булды
Өч сүз бәйләме.
Күңелем сәйләне…
Йөрәгем сере…
Мин
Яратам
Сине…

ЛИЛИЯ ЗАМАЛИЕВА