Карашларың күз алдымда,
Онытылмый әйткән сүзләр
Еллар аша төбәлгәннәр,
Чакыралар синең күзләр .

Еллар аша сузылганнар
Синең якты күзләр нуры
Яшьлегемнең кайтавазы,
Сагындыра күзләр назы.

Бәсләр кунган ак чәчләрем,
Кабат инде каралмыйлар.
Миңа карап синең күзләр,
Толымнарын тарамыйлар

Син яшьлекнең язы идең,
Синсез җаным ничек тузәр?
Еллар аша төбәлгәннәр,
Чакыралар синең күзләр.

ЗИННУР ТИМЕРГАЛИЕВ