Зәңгәр күкне болыт каплаганмы,
Якты дөнья бүген нигә каралган?
Ачы тавыш өзде үзәкләрне,
Ярдәм сорап кем ул кычкырган?

Ләйсән яңгыр көтә иде илем,
Тик нигәдер корым коелды.
Тора таштай калды халкым.
Бер гөнаһсыз җаннар кыелды.

Хаклык сорап башын күтәргәннәр,
Дошман диеп фашист атады.
Бер тамчы да кызганмыйча,
Утка атты бала, ата-ананы.

Кара корым коела күктән,
Мин еладым чөнки түзмәдем.
Ачы тавыш өзде үзәкләрне,
Йә, Тәңгре бүген нишләдең?

ЗИННУР ТИМЕРГАЛИЕВ