Кичергәнсең, диеп юк уйлама,
Өмет белән миңа карама.
Юк, эзләмә инде иреннәрне.
Җавап бирми алар ялганга.

Сандугачлар безгэ сайрамыйлар,
Җәйләр моңлы, диеп алдама.
Таш күңелем бары бер эремәс,
Сөюләрне таптап узганга.

Кирәк түгел серле төннәр синнән,
Башка белән назлар бүлешкәч,
Карамасын миңа ялган күзләр,
Юкка миннән җавап көтәсең .

Зур мәхәббәт бары тиз суынган,
Ярга түгел, ятка наз булган.
Гөмерлеккә парын тапканнар да,
Күңеле белән бары алданган.

ЗИННУР ТИМЕРГАЛИЕВ