Йөрәк елый, әкрен генә елый. Бушатасы иде күңелне… Бу сөюне, шушы газапларны Үзем теләп алдым түгелме? Йөрәк елый, әрнеп-әрнеп елый. Сәбәпләрен беләм мин дә син.

Карлар ява, ап-ак карлар ява… Чәчләремә, куна, битемә… Шул карларга кушылып очар идем Ак хыяллы яшьлек иленә… Кабат күрер идем сине анда Тик бер багар өчен күзеңә.

Син киткәнгә, иркәм, Күпме еллар үткән… Күпме язлар килгән синсез, Күпме кышлар киткән. Таңнар атмас иде кебек синсез… Яшим әле менә…

Сары көзләргә гашыйкмын Сагышларым булса да. Моңсулыктан күңелләрем Мөлдерәмә тулса да. Сагышларым яфрак булып, Көзге җилдә тирбәлә.